Shadow

Gov Lacson luyag nga maka hampang si Pacman sa Olympics

Gobernador Eugenio Jose Lacson nagsiling nga kun may isa pa gid ka hampang si Senador Manny Pacquiao luyag niya nga ini ang mangin sa 2024 Olympics kag paga dag-on sang People’s Champ ang nahauna nga gold sa patag sang boksing.

Suno kay Lacson isa ka convincing win para kay Yordenis Ugas ang nangin match nila ni Pacquiao.

Pero sa tanan nga record ni Pacquiao, ilakip na ang nahatag sini nga dungog sa pungsod, ini ang kabahin na sang maragtas. Mahimo nga tion naman nga panumdumon ni pacquiao nga mag retiro na.

Dugang pa sang gobernador, nangin masako man si Pacquiao sa ensayo para sa iya nga mga hampang, wala naman sini napabay-an ang iya nga mga katungdanan bilang senador.

Para naman kay Mayor Evelio Leonardia, bisan pa nga nalutos ang adopted son sang Bacolod sa hampang kontra kay Ugas, indi matupangan ang eight division world title ni Pacquiao kag siya ang ginakabig nga living legend sa patag sang boxing.

“Maybe, the senator should consider, hanging up his gloves, or if ever, personally if ever he will continue, and if he qualifies I’d like him to fight in the Olympics in 2024. If he will be allowed to fight in the Olympics, because, I understand the professionals are already allowed to compete in the Olympics. If Senator Pacquiao is allowed in the Olympics, I’d like him to win the very first gold in boxing for our country,” suno kay Lacson.

Secured By miniOrangeSecured By miniOrange