Patigayunon ang ika duha nga Election Registration Board hearing sang Commission on Elections sa Abril 21, gani sa amo nga adlaw wala anay sang voter’s registration.
Suno sa COMELEC ini agudto mahatagan sang mga election officer sang tiempo kag naga kaigo nga atensyon kag ma-resolve ang mga registration-related issues kag concerns nga wala sang distraction gikan sa pag process sang mga new voter registration application kun idungan man ini.
Sa ERB hearing gina aprobahan ukon gina-deny ang mga nag-apply para sa voter registration.
Lakip sa April 21 nga ERB hearing ang mga nag apply humalin Enero tubtob Marso suno kay Atty Ian Lee Ananoria ang Provincial Elections Supervisor sang Negros Occidental.
May last and final pa gid nga ERB hearing sa Hunyo.
Sa Mayo 18 ang ulihi nga adlaw sang voter registration para sa Barangay and SK Elections. Suno kay Ananoria gina lauman nila sa kinaandan nga maga dagsa ang mga maga pila sa ulihi nga mga inadlaw.
“Sa mga gagmay nga towns, 1 or 2 days, while sa Bacolod usually 4 days. (I-suspend ang registration sa ina nga inadlaw?) yes, April 21, April 20, work from home kami. Sa April 21 wala registration para ma focus lang sa ERB hearing”, suno kay Ananoria.*
[sibwp_form id=1]