Kahapon, Abril 16, ginsugdan ang releasing sang cash assistance sa mga sugarcane farmers sa Cadiz City, Manapla, Victorias, EB Magalona. Sini nga adlaw, Biyernes mga sugarcane farmers naman gikan sa Don Salvador Benedicto kag Murcia ang nag baton sang cash Assistance.
Bwas mga mangunguma gikan Talisay kag Silay naman ang magabaton.
Suno kay Department of Agriculture Negros Island Region Director, Engr Jose Albert Barrogo, P2,325 pesos ang nabaton nga cash bilang fuel subsidy sang mga natungdan nga mangunguma.
Mismo ang Sugar Regulatory Administration ang may yara sang masterlist sang mga beneficiaries kag ini ang gina validate sang natungdan nga mga LGU suno kay Barrogo.
5,480 ka mga mangunguma ang nagbaton sang cash assistance.
Masobra sa P13.5 million ang kabilugan nga pondo nga iga-release sa idalom sang Presidential Assistance for Farmers and Fisherfolks program for sugarcane farmers.
Masunod nga magabaton sang fuel subsidy ang mga rice and corn farmers kasubong man mga fisherfolks suno kay Barrogo.
“Sila (SRA) ang ga-identify. Ang sa amon ang pwede lang gid ma qualify ang below 2 hectares below nga rice farmer and corn farmer. Lain pa gid na ya. Gin una lang namon ang sugarcane farmers subong”, suno kay Barrogo.*
[sibwp_form id=1]