Masobra na sa duha ka dekada ang ginahimo ni Romeo Pabicon ang pag panipon sang mga laya nga lukay nga na benidysonan kun Palm Sunday.
Isa siya ka church volunteer sa San Sebastian Cathedral sa Bacolod. Iya ini gina tigana para sa pagpang badlis kun Ash Wednesday.
Kaina naghingagaw pa dabok si Romeo. Naga duda siya nga basi kulang ang na preparar niya nga abo para sa bwas.
Suno kay Romeo, napulo ka mga misa ang patigayunon sa bwas nga adlaw gani dapat preparado man sila.
Suno naman sa kay Fr. Henry Donasco, ang director sang Commission on Liturgy sang Diocese of Bacolod, gin himo nila pulo ang misa sa bwas para indi mag dagsa ang tawo sa sulod sang simbahan.
Maga depende sa sumilimba kun luyag niya nga budburan sang abo sa ulo, magamit sang cotton ball ang pari sa pagbutang sang abo sa agtang ukon mismo na ang sumilimba mabutang sang abo sa iya nga agtang.
Sa gwa sang simbahan may mga baral na nga daan para indi mag dagsa kag mag tinuparay sa pagsulod sa simbahan. may canopy naman.
Maga sugod ang misa las sais sang aga tubtob las siyete y media sang gab-i.
Dugang pa ni Fr. Donasco tani indi pagkalipatan sang mga sumiliba ang matuod tuod nga kahulugan sang pagbadlis.
Estrikto kuno nga sundon ang physical distancing. Ang Bacolod EOC nagpahanumdom man sa mga simulimba ilabi na sa bwas nga indi pag kalipatan ang face mask kag face shield bisan yara sa sulod sang simbahan.