Shadow

Handa na para bwas

Application for voter’s registration pa lang ang gin file ni anay 3rd District Representative Albee Benitez sa COMELEC kag indi pa certificate of candidacy gani simple lang ang mga requirements suno sa iya. Anum ka bulan nga residency sa siudad sang Bacolod ang isa diri antes ang maabot nga pinili-ay sa May 2022 kag malayo pa ini gani suno sa iya. Tanan kuno nga mga requirements iya man gin comply.

Si Benitez ang may propedad sa Mt. View Subdivision sa Barangay Mandalagan sa Bacolod City kag gina kwestyon sang mga tagreklamo kun bala iya gid man ini gina istaran.

Ginpaathag man ni Benitez kun ngaa P500 pesos ang iya ginbayad sa iya nga pagkuha sang cedula. Suno sa anay kongresista, sumugod sang nag pandemic wala na siya sang may gina baton nga sweldo gikan sa iya nga kumpanya para masalbar ang negosyo kag mga empleyado. Kun luyag kuno sang mga tagreklamo, pwede nila mabukad ang iya nga income tax return.

Si Benitez ang apo sang mga ginlubong kaina nga sanday Atty. Simplicio Palanca kag Dr. Ernesto Palanca. Wala malikawan nga mapamangkot sa kay Benitez ang mga isyu may angut sa protesta sa iya nga pag saylo sang voters registration.

Naka handa na siya para sa Election Registration Board hearing sa COMELEC sa bwas nga adlaw matapos gin balabagan ang iya nga pagsaylo sang iya voters registration sa Bacolod sang tatlo ka mga persona nga suno sa ila abugado mismo may kaangtanan sa Grupo Progreso.

Leave a Reply

Your email address will not be published. Required fields are marked *

Secured By miniOrangeSecured By miniOrange