Abril 10, 2021 sa isa ka pagtililipon sang mga negosyante…Ini ang gin buy-an nga statement ni anay third distrist Albee Benitez sa pihak sang pagpanghangkat sa iya nga magpapili bilang alkalde sang Bacolod.
Kaina nagwa ang sugilanon nga gin kumpirma naman ni Vice Governor Jeffrey Ferrer nga maga padulong bwas sa Comelec sa Bacolod si Benitez para magsaylo sang iya nga registration sa Bacolod.
Suno kay Ferrer antes sini nag sponsor siya sang panayaga sa kapitolyo… Nga updan sang pila ka mga opsiyal. Sundan ini sang pagpangamuyo sa San Sebastian Cathedral antes magpadulong sa Comelec si Benitez
Sa kilid sang Bacolod City Government Center may nabutang man nga tarpaulin nga Albee for mayor kag Vice Gov. Ferrer para sa pagla bise alkalde.. Suno kay Ferrer may duha pa siya ka semana para mag desisyon kun bala masaylo man siya sang iya registration sa Bacolod.
Ang transfer of registration ang ginahimo sang isa ka persona kun magsaylo na siya sang lugar kun diin siya maga boto. Pero ini ang subject pa sa notice, hearing kag action sang election registration board. Indi maka papili nga kandidato sa isa ka lugar ang isa ka persona kun indi siya registered voter sang amo nga lugar.