Masobra na sa dos mil ang active COVID-19 cases sang Negros Occidental sa April 18 nga report sang Provincial Incident Management Team.
Sa press conference sang Department of Health Region 6 nakabig na ang Negros Occidental nga high risk.
Suno kay Governor Eugenio Jose Lacson ini man ang punto niya sang naghinyo ang probinsya sa national Inter Agency Task Force nga ipaidalom kuntani sa general community quarantine ang probinsya agudto mapunggan ang pagsaka pa gid sang mga kaso.
Suno kay Lacson padayon man matuod nga three digit ang dugang sa kadamuon sa kaso sang covid 19 sa negros occidental pero mas naga nuboo nubo na lang. Subong nga semana gina lauman niya nga madamo ang maga graduate ukon maka recover na matapos ang duha na ka semana nila nga quarantine.
Pero kay maga balik naman sa bwas nga adlaw ang biyehe sa Western Visayas indi man madula suno sa gobernador ang posiibilidad nga may magadugang sa kadamuon sang kaso sang COVID sang probinsya.
Sa mga maga sulod sa Negros Occidental kun indi mag paidalom sa voluntary swabbing sa airport kag seaport kinahanglan magpakita sang negative RT PCR test result.