Shadow

Kinahanglan na sang negative RT PCR test result para makasulod sa Negros Oriental

Active cases sa Negros Oriental ang nagsaka matapos maka record sang 73 ka bag-o nga kaso sang COVID-19.

Nagsaka sa 177 sa karon ang active COVID-19 cases sa Negros Oriental matapos madugangan sang 73 ka bag-o nga kaso sang COVID-19. May 29 naman nga new recoveries nga na record ang probinsya. Pinakadamo nga active cases amo ang Dumaguete City nga may 38 ka active cases sang COVID-19 kag indi man mag layo diri ang Siaton nga may 31 ka kaso.

Gin depensahan ni Negros Oriental Governor Roel Degamo ang liwat nga pag balik sang probinsya sa pag require sang negative RT PCR test sa mga inbound travelers karon nga padayon ang pag saka sang kaso sang COVID-19 sa Negros Oriental.

Siya ang naga panawagan man nga kun mahimo, ipaiway na lang anay sang iban ang pag padulong sa Negros Oriental ilabi na ang mga gikan sa manila kun sa diin may madamo karon nga kaso sang COVID-19.

Samtang, 133 naman ang dugang nga kaso sang COVID-19 sa Negros Occidental nga karon may 2,181 ka active cases.

Secured By miniOrangeSecured By miniOrange