Shadow

Wala na sang negative RT-PCR ukon antigen test result para sa fully vaccinated travellers padulong sa Negros Occidental

YouTube player

Wala na sang negative RT-PCR ukon antigen test result para sa fully vaccinated travellers padulong sa Negros Occidental

Mga fully vaccinated individuals nga magasulod sa Negros Occidental ang indi na kinahanglan sang negative RT-PCR test result ukon negative antigen result karon nga napaidalom na ang probinsya sa alert level 2, sumugod Pebrero 16 tubtob 28.

Sa Executive Order nga gin pa gwa ni Negros Occidental Governor Eugenio Jose Lacson, sumugod Pebrero 16, sa mga fully vaccinated travellers, kinahanglan ang Spass kag verifiable nga vaccination card.

Sa partially vaccinated kag unvaccinated travellers naman, nagapabilin ang SPass requirement. Pero sa ila nga pag abot sa airport ukon seaport sila ang ipaidalom sa rapid antigen test nga libre ipatuman sang probinsya.

Nakasaad man sa EO nga kun ang mga natungdan may non-reactive antigen test result nga ipakita ini ang batunon, pero ang amo nga antigen test dapat valid sa sulod sang 48hours humalin sang gin-extract ang swab sample kag ang test ginpatigayon sang DOH accredited nga laboratory.

Exempted naman diri ang mga government official ukon personnel nga yara sa official business.
Ang mga madakpan naman nga nag gamit sang peke nga dokumento ang ipaidalom sa 14 ka adlaw nga quarantine sa faciltiy sang probinsya kag sa ika lima nga adlaw ipaidalom sa RT – PCR test sa iya kaugalingon nga gasto., wala labot sa paga atubangon nga mga sanction.

Naga pabolin sa two flights per airline per day para sa Manila-Bacolod-Manila nga trip, kag one flight per airline per week naman sa Cebu-Bacold-Cebu trip.

Ang mga barko tugutan mag biyahe sa 50 percent sa gihapon nga capacity sini.

Secured By miniOrangeSecured By miniOrange