Sa executive order ni Mayor Evelio Leonardia, vaccination card na lamang ang ipakita sang mga fully vaccinated nga pasahero gikan Western Visayas kag Negros Oriental nga magabyahe pasulod sa Bacolod.
Ang mga partially vaccinated kag unvaccinated ang ginakinahanglan mag-present sang negative rapid antigen test result nga certified sang DOH-accredited laboratory sa sulod sang 24 hours halin sa ila
Ginhalinan nga lugar antes magbyahe.
Ginakinahanglan man nila ang valid id kag magpaidalom sa symptoms screening sa mga port of entry.
Ginatugutan man ang pagbyahe sang mga government officials kag public sector personnel on official business. Pero ginakinahanglan man nila mag present sang vaccination card, ID kag certified true copy sang travel order.
Gina require naman ang negative rapid antigen test result, id sa mga unvaccinated kag partially vaccinated officials kag personnel. Ginakinahanglan man nila magpaidalom sa symptoms screening.
Si Mayor Jerry Trenas sang Iloilo ang natalana man magpa gwa sang kasubong nga mando pareho sang gin issue nga EO sang alkalde sang Bacolod.
Pero sa karon wala pa nagbalik ang biyahe sang mga fastcraft nga nagabyahe Bacolod-Iloilo vice versa.
Plano nila nga sa bwas pa sugdan ang pagbalik sang byahe.
Suno kay Mayor Evelio Leonardia ginakinahanglan nga matun-an ang pagpangabuhi upod sa virus kag mag adjust nga may paghalong agud mangin balanse ang pagpasiguro sang ikaayong lawas sang publiko kag mapabilin ang lakat sang ekonomiya.