Shadow

Gov. Lacson nag positibo sa Covid-19, Kapitolyo gin-lockdown

Richard Malihan photo

Kapitolyo probinsyal ang ginpaidalom sa lima ka adlaw nga lockdown. Ginpatuman naman ang disinfection kag decontamination sa mga talatapan.

Gin-isa isa ang mga talatapan sang gobyerno probinsyal sa disinfection kag decontamination nga ginpatuman sini nga adlaw. Lakip kay Negros Occidental Governor Eugenio Jose Lacson, 22 ang nag positibo sa Covid 19 sa kapitolyo gikan sa nag kalain lain nga mga departamento.

Paathag ni Dr Ernell Tumimbang, ang Provincial Health Officer, kinahanglan ang disinfection kag decontaminaton bangud ang virus mahimo man nga mag tenir sa lugar ukon sa mga pagkabutang.

Napatuman sa karon ang work from home arrangement kasubong man ang skeleton force suno kay Acting Governor Jeffrey Ferrer. Suno kay provincial administrator Rayfrando Diaz nag-ayo na karon ang kondisyon ni Governor Lacson, kag depende sa mangin resulta sang assessment sa karon, mahimo nga magreport na balik sa iya nga katungdanan ang gobernador bwas nga adlaw paagi sa work from home arrangement.

Ginpaidalom naman sa swab test ang duha ka close contact sang gobernador – ang iya nga driver kag close-in security nga iya nangin kaupod sa pagpadulong sa Hinoba-an.

“Under the new doh guidelines naton subong kun fully vaccianted ka, kag may symptoms ka, which is what gov is categorized in, 7 days. 7 days from the onset of the symptoms, which was last Wednesday.

Kun fully vaccinated ka pa gid and you’re already feeling well, you can reduce it to five days from the onset of symptoms. Kun isipon ta halin Wednesday, last day niya subong. 5th day niya subong, sa pag onset sang iya symptoms. Pwede na siya ka report tomorrow and assume his duties and functions as governor. Tan-awon ta. We’ll see if okay na gid siya bwas”, suno kay Diaz.

Secured By miniOrangeSecured By miniOrange