Indi naman sila kaalyado pero sa gihapon nangin madinalag-on sanday Mayor Raymund Tongson kag Vice Mayor Justin Gatuslao sang Himamaylan City nga parehos nga re-electionist.
Ginhimo man siya nga opposition suno kay Vice Mayor Gatuslao, handa kag bukas siya sa pag trabaho upod kay Mayor Tongson para sa ikaayo sang Himamaylan.
Humalin pa man sadto nangin proffessional na ang relasyon nila nga duha suno kay Gatuslao.
Kay tapos naman ang eleksyon, ang nagakaigo nga buhaton sang tagsa ka pulitiko suno kay Gatuslao amo ang pag pahigad sang mga political differences para sa gina alagaran nga siudad ukon banwa.
Ang opposition label lamang, para sa iya dapat updan kun ano ang intsakto kag pamatukan ang indi amo.
Duha man ka consecutive term ang pag updanay nanday Tongson kag Gatuslao sa idalom sang “TO-GA” kag nabungkag ini sang 2025 nga piniliay.