Detained karon sa custodial facility sang Station 2 ang vlogger kag iya live-in partner matapos sila ang nadakpan sa buy-bust sang Philippine Drug Enforcement Agency sa Purok Magtiayon, Barangay 10 sa Bacolod City, Martes sang hapon.
Ginsiling ni PDEA-Negros Island Region public information officer Agent Keith Capili, nga si alyas “Christian”, 32-anyos amo ang subject sang buy-bust.
Nadakop man si alyas “Joselito”, 35-anyos, isa ka vlogger, matapos makuhaan sang isa ka pakete sang suspected shabu, suno kay Capili.
Na-recover sa operation ang ginabulobanta 50 gramos sang suspected shabu nga nagabalor P340,000 kag isa ka improvised tooter nga may residue sang suspected shabu.
Nakuha man ang buy-bust money, duag itom nga pouch, coin purse, duha ka lighters, duha ka cellphones, walo ka bank books, lima ka ATM cards kag isa ka shoulder bag.
Suno kay Capili, kaso nga pagsupak sang Section 11 ukon possession of illegal drugs ang ipasaka sa vlogger, samtang Sections 5, 11 kag 12 sang Republic Act 9165 ukon Comprehensive Dangerous Drugs Act of 2002 ang paga-atubangon ni alyas “Christian”.
Ginakabig sang PDEA nga high value targets ang duha bangud sa volume sang nakuha nga iligal nga droga sa ila.
“Ang subject is ang iya (vlogger) nga ka live-in partner. During the buy-bust operation, both sa ila may na-recover. We had conducted series of intel and intel validation man kag like surveillance operation until such time nga naka-conduct ta sang successful buy-bust operation,” suno kay PDEA Agent Capili.*
[sibwp_form id=1]