Puno sang paglaum ang Visayan Vipers sa Palarong Pambansa nga kumpetisyon nga maga bukas sa Domingo nga adlaw, Mayo 24 sa Agusan del Sur.
Suno kay Department of Education Negros Island Region Director, Ramir Uytico, ini man ang pinaka una nga tion nga maga compete ang NIR para sa Palarong Pambansa kag indi pa man nila mabal-an ang mangin dalagan sang kumpetisyon, pero mataas ang ila nga paglaum nga makadala sang kadalag-an.
Ginpatigayon kaina ang screening sa mga athletes kag coaches upod sa National Screening and Accreditation Committee.
Suno kay Uytico na plastar na ang mga atleta sa ila nga mga billeting area sa Agusan del Sur College. Pero may iban nga mga atleta nga gin pakamaayo mag tenir sa lain nga billeting site.
Indi man masyado ang init ukon kapaang sang panahaon sa Bayugan City suno kay Uytico.
865 ang delegates sang NIR sa 66th Palarong Pambansa nga maga lawig tubtob sa Mayo 31. 626 diri ang mga athletes sa elementary kag secondary divisions kag paragames. Ang nabilin gina tapuan na sang coaches, assistant coaches, chaperones kag trainers.
“We are always hopeful na sino namang magpunta sa kumpetisyon na hindi hopeful. Hindi pa natin alam, kasi the fact that this is a national sporting event. All of the regions are preparing. We hope for the best for NIR”, suno kay Uytico.*
[sibwp_form id=1]