Patay ang 41 anyos nga si Ian Negrido, barangay kagawad sa Victorias City, matapos ini gin luthang kahapon sa Barangay San Jose sa EB Magalona.
Suno sa PNP, naga sakay sa motorsiklo si Negrido padulong sa norte , sang hinali ini gin tiro sang makapila ka beses sang wala pa makilal-an nga mga suspetsado.
Anum ka lupok sang armas ang nabatian sang mga residente sa lugar kag nasapwan na lang nga naga higda sa dalan si Negrido.
Dead on arrival ini sa ospital.
Isa sa gina lantaw karon sang PNP sa motibo sa pag patay sa iya amo ang iya trabaho bilang safety oficer sa mga building.
Padayon karon ang imbestigasyon sang kapulisan.