Nagasalig si Negros Occidental Governor Eugenio Jose Lacson, nga ang mga sugar industry leaders ang maga tutok sa kahimtangan sang mga planters labi na ang mga small planters angut sa sugar importation nga ginlagdaan sini gid lamang.
Paathag sang gobernador humalin pa man sadto ang iya nga panindugan sa sugar importation amo nga ang kantidad ukon volume sini kag timing dapat nagakaigo.
Kun may mga ginasiling man nga konplikto sa 440,000 metric tons nga import order labi na sa timing sini, naga salig ang gobernador sa SRA leaders nga mga Negrense man tutukan man nila ang sitwasyon sang mga planters labi na ang mga magagmay nga plantes nga karon amo ang mayoriya sa industriya Suno kay Lacson labi ang iya nga pagsalig sa SRA leaders nga ginatapuan sang mga Negrense.
Sang Lunes, gin lagdaan ang sugar Order No. 6 nga naga tugot sang importation sang 440,000 metric tons sang kalamay.
Ini ang ginpadala na kay Presidente Ferdinand Marcos Jr, para review antes pa man ang pag release sini. May bahin sa 440,000 MT nga gilayon nga maga abot suno sa kay SRA Board Member Paul Azcona kag may yara naman sang maga abot tranche by tranche.
Tinutuyo sini amo nga mapapanaog ang retail price sang kalamay nga indi tuman ma apektuhan ang mga mangunguma.