Labing naga pasalamat si Vice Governor Jeffrey Ferrer sa suporta nga ginhatag sa grupo nanday presidential candidate Ferdinand Marcos, Jr kag Vice Presidential candidate Sara Duterte.
Pero kaupod man diri ang panawagan sa isa ka high level campaign kag ang pagrespeto sa mapilian nga itib-ong nga kandidato.
Suno kay Ferrer naglambot sa 80,000 ang nagtipon sa grand rally sa reclamation area.
Wala labot diri may mga 25,000 pa gid nga nag linya sa dalan kag nag buylog sa caravan sa pag sug-alaw kay BBM-Sara kaupod ang ila nga mga senatorial candidates sa UniTeam.
“Thank you very much sa mga supporters nga nag pakita to support the activities and then support BBM”, suno kay Ferrer.
Pero, nag viral karon sa social media ang ginasiling paghaboy sang flyers sa kay Marcos sang suporter sang lain nga political group sang nag agi ang iya nga motorcade sa bahin sang Talisay City. Gina pasa pasahan ang litrato kag ang video nga naga lakip pa sang chanting sang grupo nga “magnanakaw”.
“How can you say something, those kind of words, to that person. Kun kawatan siya tani wala na siya nag congressman, wala na siya nag gobernador, wala na siya nag senador”, suno kay Ferrer.
Kuntani suno sa bise gobernador, mag tutok na lamang sa kampanya kag kun paano padag-on ang gina duso nga kandidato tigaylo sang pagpakita sang indi pag respeto.
“It should be high level of campaign. May incident nga ginhabuyan kami sang flyers. Meaning, ato ya, it was really one of the supporters of one of the presidential candidates. Binastos na na ya.
Pagkatapos sini isa man lang kita gihapon sa Negros. Padag-a nyo lang ya ang kandidato nyo, campaign for the right principle”, suno kay Ferrer.
Wala naman may gin komento pa si Marcos sa natabo nga insidente suno kay Ferrer.
Suno naman kay anay Governor Rafael Coscolluela, sang Negros for Leni kag campaign manager ni Vice President Leni Robredo maga issue sila sang statement sa naga kaigo naga tion.
“Will issue statement in due time. Have to get to the bottom of the incident”, suno sa text message ni Coscolluela.
Tuman ang pag abi-abi nga gin hatag sang mga suporters suno sa bise gobernador. Kun may issue man sa hakutay suno kay Ferrer natural lamang nga hatagan sang masakyan ang mga supporter.
Mayoriya naman sa mga alkalde ang nagbuylog sa BBM-Sara pero suno kay Ferrer ginarespeto niya ang desisyon nanday Mayor Alfredo Maranon, III, Salvador Escalante kag Representative Leo Rafael Cueva kun wala man sila sa pagtililipon sang Miyerkules.
Kun wala man si Mayor Gina Lizares, yara naman ang iya utod nga si Vice Mayor Oscar Montilla suno kay Ferrer.