Ginsiling ni Negros Occidental Vice Governor Jeffrey Ferrer nga masobra sa otsenta mil ang mga supporters nga nag-idas sa dalan sa caravan sang UniTeam halin sa Silay City pakadto sa Bredco port sa Bacolod para sa grand rally kahapon.
Gani naka siling siya nga kun basehan ang suporta sang mga Negrense nga nag-upod sa uniteam rally masiling nga tapos na ang election.
Pero para kay anay governor Lito Coscolluela, convenor sang Negros for Leni Movement, halos kasubong lang ang mga hitabo sang 1992 presidential elections kun diin nagkambyo man ang
boto sang mga Negrense.
Sa paglunsar sang La Sallians for Leni nga ginpangunahan sang Negros Youth for Leni, ginsiling ni coscolluela nga ang mga pamatan-on kag ang kamatuoran ang magahatag sang diperensya sa mangin resulta sang may elections.
Gindugang pa ni Coscolluela nga dako ang kabudlayan ang para sa kadam-an ang mga nagalinapta nga disinformation ilabi na sa social media, pero paagi sa inspirasyon nga ginapakita sang mga pamatan-on sa karon handa sila nga balabagan ang mga kabutigan kag pagpaniplang gamit ang kamatuoran.