Shadow

Vice Gov Ferrer maga upod sa kick off sang BBM campaign sa Philippine Arena, Pink Warriors may Pink Fiesta

Bwas nga adlaw maga sugod na ang campaign sa National level.

Kada presidental candidate ang may kaugalingon nga campaign kick-off.

Mga suporter ni Vice President Leni Robredo sa Bacolod kag Negros Occidental ang maga upod sa nationwide nga launch. Mga pink warrior ang ginapaabot nga maga buylog sa “Pink Fiesta” sa Negros 4 Leni Headquarets sa Hernaez-Gatuslao Streets sa Bacolod City las 8 sang aga tubtob sa udto.

Ini ang ginapamunuan sang Robredo People’s Council nga gina updan naman sang mga Kakampink groups sa probinsya. Ang Laban Leni Negros Occidental naman ang maga sugod sang ila nga activity paagi sa mob dance sang mga suporter nga maga suksok sang ila nga ink outfit.

Samtang, si Vice Governor Jeffrey Ferrer ang maga upod sa campaign kick off ni presidential candidate Ferdinand Marcos, Jr. sa Philippine Arena sa Bulacan.

May 50,000 capacity ang amo nga arena pero limitado lang ang makatambong suno sa bise gobernador.

Suno sa bise gobernador, nagdugang ang mga opisyales sa probinsya nga nag pabutyag sang ila nga suporta sa BBM-Sara ukon sa UniTeam.

Bisan sa mga kongresista sa anum ka distrito sa Negros Occidental, ang sa Second District lamang ang wala makapalayag sang suporta. Suno sa kay Ferrer mas madamo nga mga opisyales nga naga suporta, mas maayo nga outcome ang gina paabot.

Secured By miniOrangeSecured By miniOrange