Shadow

12 ka mga lugar sa Negros Occidental gina kabig nga areas of concern sang COMELEC

Commission on Elections may dose ka mga areas of concern nga gin-identify sa Negros Occidental.

Suno kay acting Provincial Elections Supervisor Roberto Salazar, ang listahan ang napadala na nila sa Regional Joint Peace and Security Coordinating Council.

Paathag sang Comelec ang isa ka lugar makabig nga area of concern kun may yara sang intense political rivalry ukon may yara sadto natabo may kaangtanan sa eleksyon. Ang isa ka lugar makabig naman nga area of immediate concern kun may presensya sang NPA, armado nga grupo ukon private armed groups.

Gina kabig naman nga area of grave concern kun yara and duha sa mga criteria. Suno kay Salazar sa ila nga listahan, ang banwa sang Don Salvador Benedicto ang gina kabig ang area of concern.

Areas of immediate concern naman ang Manapla, Silay City, Victorias City, Toboso, Binalbagan, Himamaylan City, Kabankalan City kag Hinobaan.

Paathag niya ini bangud sang presensya sang NPa sa amo nga mga lugar. Areas of grave concern naman ang Candoni, Moises Padilla kag Escalante City. Ini ang mahimo nga may pagbag-o pa suno kay Salazar.

Secured By miniOrangeSecured By miniOrange