Sa mga litrato nga ginpadala sang mga nagapanilo sa palibot sang Bacolod City Central Market, makita ang mga basura kag utanon nga ginabilin lamang sang mga vendors sa gwa sang merkado.
Ini ang halos kada gab-i na nga sitwasyon sa palibot kag ginakabalak-an sang siudad.
Ginsiling ni City Legal Officer Karol Joseph Chiu, nga sandig sa ordinansa sang siudad nga nagatugot sa pag baligya sa dalan Bonifacio kag Gatuslao, kinahanglan nga may kaugalingon nga mga basurahan ang mga kutob sa nagabaligya diri.
Apang, natukiban sang siudad nga wala sang basurahan ang mga vendors kag masami nga ginabilin lamang nila ang basura sa higad sang dalan kag sa mga cross drainage.
Dugang ni Chiu, ipatawag nila ang mga natungdan nga vendors agud mapahanumdum sa ila ang ila responsibilidad.
Bangud ini nga mga basura, posibli nga magbara na naman ang drainage sa amo nga mga dalan kag tunaan sang pagbaha hinali magbunok ang ulan.
Sarang man nga ma-revoke sang siudad ang special permit sang mga vendors nga nagabilin sang ila basura sa amo nga lugar.
[sibwp_form id=1]