Vaccination-tourism program. Ini ang isa sa sahi sang kampanya sang gobyerno probinsyal para maduso ang pagpabakuna kontra Covid-19.
Sini lamang nagbisita ang mga tiglawas sang Provincial Incident Management Team, Provincial Health Office kag Provincial Tourism sa Magikland sa Silay City angut sa tuyo sang amo nga kumbuyahan sa paghatag sang libre nga tickets sa mga kabataan 12 anyos tubtob 17 anyos nga fully vaccinated.
Ang amo nga incentive para sa menor de edad nga fully vaccinated ang naga tuyo sa pagtib-ong sang kampanya para sa bakuna.
Suno kay Provincial Administrator Rayfrando Diaz, gina plano ang pag pabutang man sang vaccination area sa lugar para sa mga gusto magpabakuna.
Suno kay Diaz ang probinsya ang bukas para kasubong nga mga partnership sa iban man nga tourist destination para maduso ang vaccination program. Gina finalize pa ang amo nga programa sa Magikland kag gina plano nga una anay buksan ini para sa mga taga Silay kag iga schedule naman ang para sa iban pa gid nga mga banwa kag siudad agudto wala sang pag dagsa.