Shadow

Vaccination sa mga BPO companies ginsuguran na

City PIO photo

Ginsuguran na sang Bacolod Emergency Operation Center upod sa Covid-19 vaccination council ang pagbakuna sa mga empleyado sang business process outsourcing companies nga yara sa graveyard shift.

Yara man ang mga local officials sa nahauna nga night shift vaccination sa Concentrix Bacolod kagab-i.

Masobra sa isa ka libo ang target nga mabakunahan sa vaccination program nga para sa mga yara sa A4 category,nalakip diri mga call center agent kag iban pa nga essential workers.

Suno kay Em Ang,executive director sang Bacolod EOC, plano man sang siudad nga magtalana sang vaccination team para mangin 24/7 ang vaccination program sang Bacolod.

Upod diri ang pagtalana sang dugang pa nga mga drive thru vaccination sites.

Ini agud mapadasig ang pagpabakuna kag paglab-ot sang herd immunity sa Bacolod.

Secured By miniOrangeSecured By miniOrange