Shadow

Bacolodnon nga naka pauli gikan sa Afghanistan naga laum nga maka pangita sang trabaho diri

Pag abot pa lang Bacolod sang 43 anyos OFW nga si Rolie Pendon gikan sa Kabul, Afghanistan sang Agosto katorse, ang pagpangita sang trabaho ang iya gilayon ginpaligban.

Masobra man sa onse ka tuig siya nga nagtrabaho bilang administrative manager sang isa ka automotive company sa Afghanistan antes naka biya didto matapos ang pagtakeover sang Taliban forces.

Isa si rolie sa 20 ka mga Pinoy nga una nga gin-demobilize sang Hunyo antes pa man gintake over sang Taliban ang pungsod Afghanistan.

Istorya niya, didto pa lang sa luwas napamensaran niya na ang matabo sa iya pagpauli parehas sang pila man ka mga OFW nga halos ubos na ang sinuptan kag wala sang gilayon nga makita nga ubra karon nga pandemic.

Suno sa iya, ang iya pamilya ang naghatag sa iya sang kusog kag kabakod ilabi sang yara siya sa isolation facility.

Anay dj sang isa ka radio station sa Bacolod si Rolie.

Magluwas sa bulig pinansyal nga iya ginapaabot gikan sa ahensya sang gobyerno, nagalaum man siya upod sa iya nga makakita sang dugang nga oppoturnidad sa trabaho agud bisan paano makabulig sa pamilya.

Inspirasyon karon ni rolie ang iya mga inagyan sa luwas agud nga makabangon sa hangkat sang pandemic.

Leave a Reply

Your email address will not be published. Required fields are marked *

Secured By miniOrangeSecured By miniOrange