Vaccination para sa mga magagmay nga Kabataan ipatuman sa mall agud mapangapinan sila sa balatian kag mabuhinan ang kadamuon sang malnourished children.
Ang tipdas isa lang sa mga makatalagam nga balatian sa mga magagmay nga Kabataan.
Gani tuyo sang Bacolod City Health Office nga mapabaskog pa ang immunization program paagi sa libre nga vaccination program nga patigayunon sa Ayala Malls Capitol Central kada weekend.
Ginsiling ni CHO National Immunization Program coordinator Dr. Jevy Ortonio, sarang makapabakuna sang libre sa mall halin las 10:30 sang aga asta las 2:30 sang hapon para sa anti-polio vaccine, MMR kag iban pa.
Pamaagi ini sang siudad agud nga mapabaskog ang kampanya para sa fully-immunized children kag mapangapinan sila batuk sa mga balatian.
Ang free vaccination program ang nangin tikang man sang Bacolod CHO para mapahagan-hagan ang kadamuon sang malnourished children sa siudad.