Wala napaiway ang pagdugok sa mga tawo sa mga mass vaccination area sa mga mall humalin kaina sang aga.
Ini sang ginpahanugutan sang siudad ang mga walk-in nga mga senior citizen,may co-morbidities kag mga OFW nga makabaton na sang Covid-19 vaccine.
Tungod sang naga idas nga linya, iban sa mga luyag magpabakuna ang nagpungko sa salog na lang para indi makapuyan sa paghulat.
Sige sige man ang pagpanaway sang mga mall guards kag katapo sang Task Force Disiplina sa mga nagasupak sang pagsulundan sa social distancing.
May 51 mil ka doses sang bakuna ang ginakinahanglan ma-administer sang siudad karon nga semana.
Ginalauman sang pamunuan sang Bacolod Emergency Operation Center nga kun magpadayon ang pag inabot sang supply sang bakuna sarang malab ot sang Bacolod ang herd immunity kontra sa Covid-19 sa bulan sang Disyembre.