Shadow

Mga seaman naga pasalamat nga gintagaan prayoridad sa Pfizer nga brand sang bakuna

Mga seaman sanday Jeremy Jimenez kag Ariel Gonzales natabuan nga naga bakasyon sila subong diri sa Bacolod kag may vaccination roll out nga gina patigayon sa Bacolod City Government Center.

Kaina nag pila sila sang mahibaluan nga prayoridad nga mabakunahan sang Pfizer nga brand sang bakuna ang mga senior citizens, mga may comorbidities kag mga overseas Filipino workers.

Suno kay Jimenez, isa ini ka oportunidad sa kasubong nila nga mga seman ilabi na nga may advise sa ila nga indi maka sulod sa Europe kag Estados Unidos kun indi Pfizer ang brand sang bakuna

Amo man si Gonzales, mas maayo kuno nga diri mismo sa Bacolod ma bakunahan na siya sang sa mahulat pa siya sang Pfizer nga bakuna didto sa Metro Manila.

May abiso man gikan sa ila nga kumpanya nga kun mahimo nga kun magpa bakuna sila, Pfizer lang nga brand para indi sila mabudlayan sa ila nga pag biyahe.

Martes sang gin suguran ang pagbakuna sang Pfizer sa Government Center sang Bacolod.

Magapadayon ini tubtob nga may nagakaigo pa nga supply.

May 2,340 tanan ka dose sang Pfizer nga bakuna ang nag abot sa Bacolod sang Lunes.

Damlag pa sila gin siling na sang executive director sang Bacolod Emergency Operations Center nga si Em Ang nga gintagaan sang siudad sang prayoridad sang siudad ang mga yara sa A1.8 category ukon mga OFW bangud sa wala gina baton ang mga persona nga indi Pfizer ukon Johnson and Johnson by Janssen ang bakuna sa Europe kag sa US.

Leave a Reply

Your email address will not be published. Required fields are marked *

Secured By miniOrangeSecured By miniOrange