Shadow

Vaccination cards indi requirement sa graduation ceremony

Kadam-an sa mga private schools nga naka-una bukas sang klase ang nagsugod na sa ila mga graduation rites karon nga bulan sang Mayo.

Kaina madamo sa mga graduating students sang St Joseph School La Salle sa Barangay Villamonte ang natigayon nga nakabalik sa eskwelahan para sa baccalaureate mass nga ginsundan sang ila face to face year end transition rites ukon graduation ceremony sa sulod sang school campus.

Pero limitado lang ang mga tumalambong bisan wala na gina require ang vaccination para sa mga graduating students. Virtual naman ang masaksihan nga seremonya sang ila mga ginikanan mga maga-attend sa graduation.

Suno kay Dr. Edwin Miraflor, OIC sang City Health Office, importante ang sa mga buluthuan nga mag-coordinate sa barangay kag sa EOC para matigayon ang ila graduation.

Bangud indi man required sang department of education ang vaccination sa mga attendees dapat gihapon mapatuman ang minimum health protocol.

High school kag collegiate schools pa lamang karon ang naghinyo sang approval sa EOC para sa mga graduation activities.

Secured By miniOrangeSecured By miniOrange