Ang pag duso kag pag paayo sang pag bakuna ang isa sa mga italakay sang Provincial Health Office sa pagsapol sini sa mga alkalde.
Wala pa man sang napat-od nga petsa para sa apat ka adlaw nga vaccination drive sa Negros Occidental, suno kay Governor Eugenio Jose Lacson labing kinahanglan ang bulig sang Inter Local Health Zone para sa pag paayo sang vaccination program.
Kun ma pat-od na ang petsa suno sa gobernador iplastar ini gilayon.
Isa sa mga gina lantaw man suno kay Lacson amo nga ang mga area nga may yara sang maayo na ang vaccination rate maga bulig sa mga lugar nga wala pa maka lab-ot sang target nga mabakunahan sini.
Damlag pa ginsiling na ni Dr Ernell Tumimbang nga ang vaccination drive initiative ang naga tuyo nga mapa nubo ukon mapa de-escalate ang alert level status sang mga kabanwahanan kag siudad sa alert level one.
Sa karon pito pa lamang ka LGU sa Negros Occidental ang yara sa alert level one.