Utod nga kamot ang nakit-an sa mga filling material sa construction site sang isa ka subdivision sa Bago City.
Sa report sang pulis nakit-an ang utod nga kamo sa mga filling material sa construction site sa Purok Tongoy sa Brgy Sampinit sang Lunes.
Nag gikan sa Brgy Alangilan sa Bacolod City ang filling materials nga nag abot sa construction site sadtong Hunyo 1.
Ang backhoe operator nagsiling nga samtang iya nga gina patapan ang filling materials iya nga nakit-an ang utod nga kamot pero wala niya ini ginsapak sa pagdumdom nga ini ang pares sang isa ka gloves.
Sang Lunes may driver nga nag abot sa lugar para mag deliver sang mini-roller nga nakarga sa mini-dump truck.
Sang gin diskarga ini nakit-an niya nga ang daw gloves natuo gali nga kamot sang isa ka tawo.
Ini ang gindala sa punerarya para matinluan, kag ginkuhaan sang fingerprints kag para man sa proper disposal na.
Wala pa nakilal-an ang naga panag-iya sang amo nga kamot.