Grupo sang sugar producers sa Negros nagpabaskog sang panawagan para magpapili sa presidential election si Davao City Mayor Sara Duterte-Carpio pinaagi sa ila nga manifesto of support.
Nagapati ang katapo sang United Sugar Producers Federation ukon UNIFED nga may ikasarang si presidential daughter Davao City Mayor Sara Duterte-Carpio.
Sa pag isa sa pungsod kag mapabilin ang nalab ot nga kadalag an sa pihak sang pandemic.
Suno sa UNIFED ang high performance rating sang alkalde nagapakita sang iya maayo nga panghimanwa bilang lider bangud man sang iya kaisog kag political will sa pagpatuman sang pagbag-o para man sa benepisyo sang gobyerno kag pumuluyo.
Para sa UNIFED, kasubong sang iya amay nga si Presidente Rodrigo Duterte, dako man ang pagsalig sang UNIFED kay Duterte-Carpio nga makabulig siya sa pagpalambo sang agrikultura ilabi na sa bahin sang sugar industry.
Ang sugar liberalization, smuggling kakulang sang suporta para sa modernization programs kabahin sa mga problema nga ginapangatubang sang sugar industry sa karon.
Gani sa manifesto of support sang katapo sang UNIFED, nagasalig sila sa masarangan sang alkalde sa pagpasiguro nga malampuwasan kag mangin sustainable ang industriya sang kalamay. Nagalaum ang grupo nga mapamatian ni Duterte-Carpio ang ila panawagan tubtob magdeklarar nga magpapili sa 2022 presidential elections.
Ang sugar industry ang ginasakdag sang malapit sa lima ka milyon nga stakeholders.