Shadow

Anay pamuno sang OPA kag HRMO head sang Negros Occidental ginkasuhan

Nellas

Pamuno sang Human Resource Management Office sang probinsya kag isa ka anay department head ang pormal nga gin-charge angut sa administrative complaints nga batuk sa ila.

Kahapon ginserbe kay Atty Annabelle Palic pamuno sang HRMO ang kopya sang formal charges batuk sa iya nga nagalakip sang opression, conduct prejudicial to the best interest of the service, grave misconduct and for being notoriously undesirable.

Suno kay Atty Alberto Nellas, Jr. ang provincial legal officer, kahapon man ginserbe kay Palic ang iya nga 60 day preventive suspension. Wala sang batunon nga sweldo si Palic sa amo nga tiun.

Suno kay Nellas may tatlo ka adlaw si Palic para magpahibalo kun luyag niya ang isa ka formal investigation ukon maga submit na lamang siya sang iya nga position paper.

Si Palic ang gin-reklamo sang Progressive Alliance of Capitol Employees. Nangin basehan ang reklamo sang 57 ka job order workers, isa ka utility worker kag tatlo ka retirees nga nag alegar sang pagpatuman sang mabudlay kag wala basehan nga process para sa ila nga plantilla, sweldo, sick leave kag GSIS benefits.

Kahapon man ginserbe kay Atty Japhet Masculino ang grave misconduct, dishonesty charges. Ini may angut sa wala mabayaran nga catering services nga mga isa ka milyon ka pesos nga gin-avail sang office of the provincial agriculturist.

Wala man nadulaan sang kwarta ang gobyerno probinsyal sa amo nga transaksyon pero ang caterer ang nabutang sa disbentahan matapos nga wala ini mabayaran. Suno kay Nellas may pila ka mga dokumento nga na alter. May duha ka iban pa nga reklamo batuk kay Masculino nga pending. May reklamo man batuk kay Masculino sa karon suno kay Nellas sarang sa gihapon maka process si Masculino sang iya retirement benefits sa GSIS.

Ginapasalamatan naman sang PACE ang tikang nga ginpatuman sang probinsya. Ang pro-worker nga lihok suno sa ila ang ila ginakabig nga isa ka landmark.

Wala makasabat si Palic kag Masculino as of press time.

Secured By miniOrangeSecured By miniOrange