Nagsapol kaina ang katapo sang Committee on Energy sang konseho upod sa tagdumalahan sang Negros Power kag telecommunications company agud maplastar ang mga tikang sa pagsugod sang underground cabling system project sa dalan Lacson sini nga Marso.
Ang Negros Power ang nagpain sang P79M para sa construction sang kapin isa ka kilometro nga underground cabling system nga magasugod halin sa 15th Lacson Street asta sa Bangga Ramos.
Ang proyekto ang ginalauman magahatag kalubaran sa problema angut sa mga spaghetti wires ukon mga naga laylay nga kable sang kuryente nga magluwas malaw-ay tan-awon nagahatag pa sang peligro sa mga naga linabay nga motorista sa dalan.
Ginsiling ni Engr. Leonel Tambanillo, spokesperson sang Negros Power, ginapaabot nila ang kooperasyon sang telco kag pati na cable companies nga amo ang maga-renta sa pag-gamit sang underground cabling system para sa ila separado nga mga linya sang kable.