Coordination para sa cloud seeding operation ang naga padayon. Suno sa Office of the Provincial Agriculturist ang ulan nga matigayon tuga sang cloud seeding ang maka bulig para sa pag panghanda naman sa planting season.
Kahapon opisyal nga gin-announce sang PAGASA ang pagsugod sang tig-ululan.
Ugaling ginsiling man sang PAGASA nga mahimo may yara sang mga breaks ukon lak-ang sa pag tupa sa pag-ulan ukon gina tawag nga monsoon breaks sa pila ka adlaw ukon semana. Gani, suno kay OIC Provincial Agriculturist, Dina Genzola ang ulan nga matuga gikan sa cloud seeding operation ang maka bulig sa duta labi na nga gina handaan naman sa karon ang planting season.
Samtang, padayon pa ang consolidation sang OPA sang kahalitan nga natuga sang El Nino sa panamum. Padayon pa ang pagsulod sang mga report gikan sa mga banwa kag siudad. As of May 15, 318.5 million pesos ang balor sang kahalitan nga natuga sa pananum lakip na fisheries sang El Nino Phenomenon. Gina handaan naman sa karon sang OPA ang mahimo mangin epekto sang La Nina Phenomenon.
“Naga-recommend kami nga ang rains ma sustain for the planting season. Pero depende sa technical nga survey sang BSWM”, suno kay Genzola.