Posible mga duha na ka bulan sa sulod sang kampo sang tubo ang mga tul-an sang tawo nga nasapwan sa Purok Overflow, Brgy. Cansilayan, Murcia, kahapon sang aga.
Ini ang paglantaw ni Police Major Mark Joel Reclamado, hepe sang Murcia Municpal Police Station, matapos nasapwan ang kalabera kahapon sang isa ka karga tapas.
Indi pa matumod kun babaye ukon lalaki ang biktima pero matatoo ini sa tiil.
Suno sa pulis, mga 30-40 metros ang kalayuon sang nahamtangan sang mga tul-an gikan sa dalan.
Sa paglantaw sang PNP naga hublas ang tawo sang ini ang ginbilin ukon napatay sa sulod sang kampo bangud wala sang panapton nga na recover.
Wala man sang nagpa-record sa Murcia PNP nga may missing nga himata.