Tubtob sa karon turbid ukon indi sa gihapon klaro ang tubig sa mga waterways ukon kasubaan sa banwa sang La Castellana.
Naga pabilin nga apektado ang pila ka mga hilikuton.
Suno kay John de Asis ang Municipal Disaster Risk Reduction Management Officer sang La Castellana may mga water sources nga ginakuhaan sang pila ka mga pumuluyo ang apektado sang muddy stream flow.
Padayon nga gina dumilian ang pagpangisda. Damlag pa may na-report nga fish kill.
Pila sa mga activity sang pumuluyo man nga apektado amo ang pag panglaba sa mga suba.
“Ang pag panglaba, kay kun manglaba ka sa suba nga lutakon, affected, isa na da. Ang pag pangisda, after sang June nga eruption last year ang Municipal Agriculture Office nagbuhi sila sang mga live nga fingerlings para ma replenish ang affected sang June 3. So affected man da”, suno ka de Asis.
Suno kay de Asis, naglasaw-lasaw na lang ang kolor sang tubig sa mga waterways sa banwa pero sa gihapon indi pa klaro ini.
Kada hapon, ukon sa gab-i sa nagliligad nga inadlaw, padayon ang ulan-ulan.
Rason nga may mga nagkalabilin pa sa ginbuga sang bulkan Kanlaon sadtong Mayo 13 nga abo ukon debris nga nagakadala sa ulan.
Mas madamol ang ashfall sini nga Mayo kun ipaanggid sadtong Abril 8 suno kay de Asis.