May 30 ka applicant barangays sa karon sa probinsya sang Negros Occidental para sa drug clearing.
Sa report sang Philippine Drug Enforcement Agency as of May 2025, 30 ka mga barangay ang sa karon nag apply para sa drug clearing kag pending aproval.
Ini sila ang gikan sa nagkalain-lain nga mga banwa kag siudad.
Sa report sang PDEA sa second quarter meeting sang Provincial Anti Drug Abuse Council, ginsiling ni PDEA provincial director, David Mark Maramba nga naga pabilin sa 83.19 percent sa 601 ka mga barangay sa Negros Occidental ang drug cleared.
Pinaka manubo sa gihapon ang Bacolod City sa Western Visayas nga may 34.43 percent lamang nga drug cleared barangays sa 61 ka mga barangay sini.
Ang Aklan, Guimaras, Antique ang 100 percent cleared na.
Ang Iloilo province 99.59 percent cleared, Capiz, 93.45 percent cleared kag Iloilo City, 52.78 percent cleared.
Nagapabilin pa ang PDEA sa Western Visayas pending sang pagtukod sang PDEA NIR.