Nagtabog ang tatlo ka mga sakay sang tricycle, lakip na ang driver, sa kalog sa Purok Tangke, Barangay Pandanon Silos sa banwa sang Murcia, Sabado sang hapon.
Dead on arrival sa ospital ang isa ka pasahero nga residente sang Barangay RSB sa La Carlota.
Ginsiling ni Capt. Honey Labaro, deputy chief sang Murcia PNP, gin-refer sa ospital sa Bacolod ang isa ka 30-anyos nga pasahero kag ang 28-anyos nga driver.
Gikan sa outing sa suba sang Pandanon ang tatlo ka mga biktima.
Base sa traffic investigation, naghalin ang tricycle sa Don Salvador Benedicto kag papanaog na sa Murcia.
Apang sang sila ang yara sa nagakurbada nga dalan malapit sa barangay hall nag-swerve pawala ang tricycle kag nadulaan sang kontrol ang driver, rason nga nagtabog sila kag nagrekta sa kalog.
Ang napatay nga pasahero amo ang nagapungko sa likod sang driver kag siya ang una nga nagtupa sa kalog.
Suno kay Labaro natam-an ang pasahero bangud posible nga naigo ang biktima sa semento nga bahin sang kalog.