Dead on Arrival sa ospital ang tricycle driver nga ginkilala kay Teresito Gepelga, 56 anyos, matapos gintiro sa Block 2, lot 85-86, Deca Homes Subdivision, barangay Cabug, siudad sang Bacolod, Huwebes sang hapon. Suno kay Police Captain Michael Tuburan, hepe sang police station 9 naga-parking si Gepelga sa kilid sang dalan sang ginpalapitan sang wala makilala nga suspetsado kag gintiro.
Ginhingagaw pa dala ang biktima sa ospital apang gindeklarar nga patay na pag abot didto bangud sa malubha nga pilas sa ulo.
Sa karon nagapangita pa ang kapulisan sang dugang nga CCTV footage para sa pagkilala sa suspetsado. Usisaon man ang iya pamilya para mahibaluan ang motibo sa krimen.