Shadow

Tricycle driver nga imbulbado sa hit and run nag sungka na

Drayber sang tricycle nga nakabunggo sa mag utod nga menor de edad nagsungka na kag nagpasalig sang bulig para sa pagpabulong sang mga napilasan.

Pinaagi sa nabuka nga body number sang depasahero nga tricycle nakilala kag nagsungka ang 40 anyos nga si Daniel Damiao.

Ang drayber nga nag hit and run sa mag utod nga kabataan sa Circumferential Road sa Barangay Alijis sang Lunes sang gab i.

Ginpabutyag ni Damiao sa traffic investigator sang Police Station 7 nga wala niya matalupangdan nga may nabungguan siya bangud madulom ang dalan.

Na ospital ang walo ka tuig nga bata nga babaye nga nag angkon sang mga pilas sa ulo kag iban nga bahin sang lawas.

Samtang ang iya anum ka tuig nga manghud nga lalaki ang nabalian sang tiil kag napilasan man tuga sang pagbunggo sa ila sang tricycle.

Kaupod nila ang ila iloy nga nagbakal sang ice sa malapit nga tiangge sang sila ang ma hit and run.

Pero nakigsugilanon na ang drayber kag himata sang mga kabataan kag nagpasalig nga magbulig sa pagpabulong sang mga kabataan.

Ang drayber ang gilayon man nga ginhilway makaligad ang dose ka oras nga reglementary period.

Leave a Reply

Your email address will not be published. Required fields are marked *

Secured By miniOrangeSecured By miniOrange