Shadow

Agrarian beneficiary patay matapos gintiro sang gwardiya sang hacienda

Nagpahalab lang sang sapat sa kampo ang himata sang 35 anyos nga si Julius Dinagiba sang ginsita sang mga gwardiya sang Hacienda Bella Bail sa Barangay Tuguis sa banwa sang Hinigaran kaina sang aga.

Suno kay Police Major Jake Barila hepe sang Hinigaran PNP, nagluntad ang paglinalisay nga nag resulta sa pagpaniro sang gwardiya sa biktima.

Nag angkon sang pilas sa lawas si Dinagiba tuga sang igo sang bala sang shotgun nga nangin kabangdanan sang iya kamatayon.

Nakapalagyo naman ang suspek nga si Roger Belonio.

Sa pagpang usisa sang kapulisan malawig na nga nagaluntad ang konplikto sa lugar sa tunga sang mga gwardiya sang hacienda kag mga agrarian beneficies nga katapo sang Task Force Mapalad.

Gani nagdeploy na sang team ang PNP agud maghinun anun sa magtimbang nga grupo kag para mapaiway ang tension.

Leave a Reply

Your email address will not be published. Required fields are marked *

Secured By miniOrangeSecured By miniOrange