Patay na sang naabtan sang otoridad kagab-i sa sulod sang iya balay sa Barangay Cabug sa Bacolod ang tricycle driver nga si Eduardo Cataraja.
Siya ang may igu sang bala sa nagkalain lain nga bahin sa iya lawas.
Siyam tanan ka bala ang na recover sa crime scene, suno sa pulis, ang mga residente ang nakakita nga may tatlo ka persona nga nag sulod sa balay sang biktima kag didto na nabatian ang pag nilupok.
Sa karon isa sa gina tan-aw nga anggulo sang pnp amo ang alegasyon nga si Cataraja ang miyembro sang kilala nga Epogon robbery group.
Suno kay BCPO director, Col. Manuel Placido, sila ang naka baton sang impormasyon nga kuno miyembro sang grupo ang gin patay nga si Cataraja kag may naka istar pa sa iya nga balay nga miyembro man sang Epogon group.
“Sabi nga ng nasa paligid at ng nandyan sa lugar na yan, may mga nasasangkot sinasabi but ofcourse isa yan sa aming tinitingnan at hindi lang naman yan ang gusto kong maging source ko yung mga bali balita kung pwede mas gusto kong ma kumpirma sa mas malalim na pag iimbestiga, there’s something between the victim and the suspect,” suno kay Placido.
Isa lang suno kay Placido ang pagtudlo sa biktima bilang epogon group member sa anggulo nga ila gina tan-aw kag ila pa luyag nga padalman ang kaso.
Ang Epogon robbery group amo ang gina tudlo nag sulod sa balay sang belgian national sang hunyo sang nag ligad nga tuig kag nag patay man sa tag iya sang balay.
Sang nag ligad lang nga sabado napatay ang 25 anyos nga si Eddie Epogon sa siudad sang sipalay matapos gina alegar mag bato sa kapulisan sang gin siya ang gin serbehan sang warrant of arrest.
Suno sa director sang Negros Occidental PNP, Col. Manuel Placido, ang napatay nga si Eddie Epogon ang naga tindog nga leader sang grupo matapos madakpan ang ila sadto leader sang nagligad nagligad tuig.
Siya may panawagan man sa iban pa nga member sang Epogon group, pati na sa iban pa nga organized crime group.
“I hope this will send a message sa kanila, habang may oras pa sila pwede na po silang sumuko kasi may mga warrant of arrest yan eh. habang buhay pa sila may pagasa pa sila so kung gusto nila talagang sumuko may number naman tayo may mga hotline tayo, let us know. Para sa ganon ma tulungan pa natin sila,” suno kay Placido.
Gin kumpirmar man sang NOCPPO nga yara na sa ila watchlist sa karon ang mga iban pa nga member sang Epogon group. Ila man hibaluon kun bala ang napatay nga Epogon leader ang kabahin sa nag sulod kag nakapatay sa Belgian national, sa Bacolod.