Nasapwan kaina sang aga sa kilid sang highway sa EB Magalona ang isa ka lalaki nga nakaputos sa sako ang ulo kag may igu sang bala.
Natukiban nga ang lalaki nga nasapwan patay, amo man ang persona nga gin abduct sang kagab-i sa Barangay 13 sa Bacolod.
Suno kay Major Ramel Sarona, hepe sang Police Station 1, gin kumpirma sang pamilya sang biktima nga ang gin abduct nga si Julius Dumip-ig, ang nasapwan nga patay sa EB Magalona
Suno kay Sarona, naga drive lang kagab-i sang iya nga tricycle ang biktima sang siya ang gin pwersa nga gin pasulod sa van sang apat ka mga persona.
Duang pa ni Sarona, posible ang duha ka pasahero ni Dumip-ig ang kabahin man sa mga suspetsado.
Blanko pa sa karon ang PNP kun ano ang motibo sa pag patay kay Dumip-ig kag ila pa hibaluon ano ang iya sini nga background.
“Bale ini ang biktima construction worker daw ni siya kag 2 days pa lang daw ni siya ga drive tricycle, pero gapadayon pa kami gapangita kami sang iban pa nga impormasyon nga makabulig sa amon kun ano gin ni ubra niya nga iban pa,” suno kay Sarona.