Shadow

May P10-20 nga saka sa presyo sang karne sang baboy kag baka

Halin sa dos shientos sisenta pesos, naglab-ot na sa dos shientos otsenta pesos ang kilo sang baboy sa merkado.

Napulo naman ka pesos ang ginasaka sa presyo sang karne sang baka nga karon tag tres shientos pesos na ang kilo.

Gani ang iloy nga si Mary Joy Teodosio tunga lang anay sa kilo sang baboy ang ginbakal para sulud-anon sang iya anak agud may pambakal pa sang dugang nga kinahanglanon sa ila sulod sang balay.

Ang pagsaka sang demand sa supply sang baboy gikan sa Negros Occidental tuga man sang epekto sang African swine flu ang ginatudlo sang mga manugbaligya nga rason sang padayon nga pagsaka sang presyo sang baboy.

Diri pa abe naga kuha sang baboy ang mga negosyante gikan sa Metro Manila pati na sa Cebu.

Magluwas diri nagsaka man sa tag tres tubtob lima ka pesos ang kada kilo sang kalamay.

Epekto man sang pagsaka sang presyo sang abono.

Nagapati si Third District Congressman Francisco Kiko Benitez, vice chairperson sang committee on agriculture and food, sarang pa magsaka ang presyo sang dugang nga mga basic commodities tuga man sang pagsaka sang presyo sang agricultural inputs kadungan sa pagsaka sang presyo sang podukto petrolyo.

Resulta sini ang pagluntad sang inflation ukon ang pagsaka sang mga presyo sang mga balaklon kag pagsaka sang cost of living antes matapos ang tuig.

Ang paghatag sang dugang nga incentives sa abono kag pagkakas sang tariff sa produkto kag ang pagpa-untat sang sugar importation sa pungsod kabahin lang sang ginapanawagan karon sang katapo sang sugar industry agud man indi matam-an sa padayon nga pagsaka sang presyo sang abono karon nga pandemic

Para kay Benitez, ang pwede mahimo sa karon sang gobyerno amo ang pag pasaka pa gid sang fertizer subsidy para sa mga mangunguma.

Dugang pa niya isa ini sa mga dako nga palaligban sang masunod nga presidente sang Pilipinas.

Secured By miniOrangeSecured By miniOrange