Gindakop kagab-i ang 35 anyos nga si Lester Tindoc matapos makuhaan sang masobra dos milyones pesos nga balor sang iligal nga droga sa buybust operation sa purok dalawidaw Barangay 16 sa Bacolod.
Ang suspek nga isa ka tricycle driver ang ginakabig high value individual.
Apat ka plastic kag 19 ka sachet sang gina patihan shabu nga ginabulubanta naga balor sang 2,040,000 pesos ang nakuha sa iya.
Suno kay Major Ramel Sarona, na preso na sadto si Tindoc bangud man sang iligal nga droga kag siya ang naka gwa sang Marso sini lang nga tuig.
Ginahibalo sang PNP kun bala siya ang katapo sang drug group bangud sang balor sang droga nga nakuha sa iya.