Natalana nga piso nga saka sa plete sa depasahero nga jeep sa madasun semana indi ipatuman sang traditional jeepney organization.
Natungod sang padayon nga saka sa presyo sang produkto petrolyo gin-anunsyo ni Land Transportation Franchising and Regulatory Board (LTFRB) Chairman Teofilo Guadiz, III ang posible pag-approve sang piso nga provisional increase sa Hulyo.
Pabor diri ang mga consolidated kag modernized jeepney organization.
Pero indi naman ipatuman sang grupo sang BACOD-MANIBELA.
Ginsiling ni BACOD – Chairman Rudy Catedral yara na sa P11 ang regular nga plete sa traditional jeep kag masyado na ka bug-at ang dugang nga saka ilabi na sa mga estudyante.
Kun maaprobahan mangin P12 pesos na ang plete sa jeep sa kada first 5 kilometers kag may dugang nga P1.50 sa kada masunod nga kilometer.