Gina kilala sang probinsya ang madasig nga pagsabat kag pag exercise sang regulatory mandate sang Environment Management Bureau sang pagpapanaog sini sang cease and desist order sa Hacienda Asia Plantations, Inc. ukon HAPI
Ini suno kay Negros Occidental Governor Eugenio Jose Lacson nga nagsiling man nga ila gina lauman ang lubos nga kooperasyon sang HAPI.
Gina paabot sang gobernador nga mag patuman sang tikang ang kumbuyahan nga naga operate sang palm oil plantation para masabat man ang mga concerns sang stakeholders sa ila nga gina patuman nga mga activities.
Ginsiling naman ni Candoni Mayor Ray Ruiz nga ginpahibalo siya nga ang HAPI ang nag untat na sa tanan nga mga earth moving activities sini pero naga padayon sa pananum angut sa palm oil plantation.
“Nag-untat sila pero ang gin untat lang nila ang mga earth moving activities. Pero sige man sila gihapon ya planting sa nursery sila. So far amo na report sa akon sang MENRO ko”, suno kay Ruiz.
Ang sulat nga ginpadala sang probinsya sa HAPI damlag pa suno kay Governor Lacson ang kasubong nga gina pauntat ang kumbuyahan sa ila nga mga earthmoving activities sa area nga sakop sang Integrated Forest Managment Agreement ukon IFMA, gina pakuha sila sang Environmental Compliance Certificate antes pa man sila mag padayon sa ila nga plantation establishment activities.
Ang cease and desist order nga gin pa gwa sang probinsya naman ang may kaangtanan sa mga quarry activities sang kumbuyahan nga nalakip sa scope sang Provincial Mining Ordinance suno sa gobernador.
Ang CDO sang EMB 6 sa HAPI ang naga mando sa ila sa pag untat sa ila nga quarry operations, road construction kag iban pa gid nga activities.