Katapo sang transport group nanawagan sang pagpahalin kay BTAO head Patrick Lacson dungan sa ginhiwat nga rally sa BCGC.
Sa atubang sang BCGC liwat nga nagtipon ang katapo sang Kabacod Negros Transport Coalition ukon KNETCO agud ihinyo ang pagdayalogo kay Mayor Albee Benitez.
Kabahin sa ila panawagan sa ginpatigayon nga State of Transport Address ang pagpahalin kay BTAO head Patrick Lacson nga ila gin-alegar nagpasilabot sa nagaluntad nga konplikto sa tunga sang Choret Corporation.
Suno sa alkalde kinahanglan pa ma-usisa ang natabo nga pag-tow kag pag impound sang BTAO sang mga modernized jeepney sang Choret nga damlag ginkabig mga carnap vehicles.
Si Benitez ang nagpatawag na sang Transport Summit agud matagaan kasolbaran ang mga konplikto angut sa ginapatuman nga jeepney modernization program antes pa man ini maka-apekto sa mga pasahero.