Patay ang driver sang trailer truck nga may karga nga backhoe sa Brgy. Palinpinon, Valencia, Negros Oriental pasado las kwatro sang kaagahon kahapon.
Ang biktima ginkilala kay Danilo Samorin.
Suno kay Corporal Wilbert Limaco, traffic investigator sang Valencia Police Station, nawad-an sang brake ang truck sa daligdigon nga parte sang dalan kag nahulog sa pangpang.
Napilpilan sang truck ang drayber nga amo ang ginhalinan sang iya kamatayon.
Ang duha ka mga pasahero sang truck ang nagkala pilasan naman kag gindala sa ospital.