May masobra sa nuebe mil nga katapo sang Electoral Board nga amo ang natalana nga magaserbe sa mga polling precincts ang magapaidalom sa training kag seminar sa Marso 1.
Suno kay Atty. Revo Sorbito, acting election officer sang Comelec-Bacolod, kadam-an sang mga electoral board ukon anay Board of Election Inspectors mga manunudlo nga naka-serbe na sa mga tinalikdan nga pinili-ay.
Sa Bacolod, may masobra sa mil tres shientos ka mga katapo sang Electoral Board ang italana sa kwatro shientos ka mga clustered precincts.
Nauna na nga nagpaidalom sa training ang mga technicians nga magaserbe man para sa may elections.
Kasubong nga mangin bubble type ang training nga pagahiwaton sa bacolod agud nga mapaiway ang posible paglaton sang Covid-19.